Ahmad Kan Awal

Godina Shawaa Lixaa aanaa Ilfataatti loltoonni mootummaa dubartii ulfaa gudeedanii lubbuu dabarsuu jiraattonni himan.

Jiraattonni OMNf yaada kennan, ganda Somboo Cittuu keessatti dubartii ulfa ji’a 7 dabareen itti dabranii gudeedanii jedhan.

Haati ulfaa kun hubaatii irra gaheen hospitaala osoo hin gahin lubbuun darbuu jiraattonni himaniiru.

Gandoota baay’ee keessatti dubartoonni manaa bahanii manatti nagaan deebi’uu hin danda'an jedhan.

Odeeffannoo dabalataa hidha kanaa gadiin argattu
https://omnglobal.com/or/15714/

Waraanni Bilisummaa Oromoo Cibraan Soddoom Boroo humnoota mootummaa irraan hubaatii cimaa geessisuu maddeen keenya waraanaa himan.

Maddeen keenya waraanaa akka jedhanitti, godina Gujii Bahaa aanaa Gumii Eldallootti Cibraan Soddoom Boroo fi humnoonni mootummaa kaleessa walwaraanaa turan.

Walwaraansa kanaan loltoonni mootummaa hedduun ajjeefamuu fi madaa'uu himaniiru.

Kana malees meeshaalee waraanaa hedduun WBOn booji'uu ibsaniiru.

Jiraattonni walwaraansi cimaan naannicha akka ture mirkaneeasaniiru.

Walwaraansa kana ilaalchisuun mootummaan hanga ammaa waan jedhe hin qabu.

Haata'uutii garuu guyyoottaniin dura aangawoonni mootummaa garaagaraa Waraanni Bilisummaa Oromoo mancaafamaa akka jiru dubbachuun isaanii ni yaadatama.

Odeeffannoo dabalataa hidha kanaa gadiin argattu
https://omnglobal.com/or/15157/

As wr wb akami ngy fayadha